Христийг таньж, баяр хөөрийг олохуй номын 4-р бүлгийн залбирал

Залбирал

Эцэг минь ээ, Та болоод Таны Хүүд уйтгар гунигийн сүүдэр ч үгүй нь үлэмж их тайвшралыг өгөв бидэнд. Хүнд хэцүү зовлон дунд минь хүйтэн цэвдэг хандалгүй, хязгааргүй жаргалаар бялхаадагт талархъя. Хүүгийн тань баяр хөөрийн гялбаа нь хүмүүний төлөө урсгасан нулимсаа хосгүй үзэсгэлэнт солонго болгон хувиргадаг нь юутай бишрэм үнэн бэ! Ийм л байхыг хүсьюү бид. Итгэлийнхээ баяр хөөр дотор эрэлхэг зоригтой, эгнэгт ганхашгүй байхыг тэмүүльюү бид. Ингэхдээ өөрийн нүгэлд гашуудалгүй, өрөөлийн зовлонг хайхралгүй өнгөрөхийг үл хүсмүү бид. Аяа, Хүүгийн тань баяр баясгалан бидэнд байж, бидний баяр баясгаланг дүүргэнэ гэсэн амлалтаа гүйцэлдүүлж болгоо Бурхан минь.Баяр хөөрийн үр жимсийг багсайтал нь ургуулж хайрла. Өглөөд бидэнд хайр энэрлээр дүүргэж өгөөч! Бид баясгалантайгаар дуулж, бүхий л өдрүүддээ баярлана. Дуг нойрондоо умбаж буй сүнсийг минь дугтран сэрээж өгөөч. Үлбэгэр бүлээн байдлыг өр зүрхнээс минь үлдэн хөөж өгөөч. Алдар нэрийнхээ төлөө аугаа тэмүүллийн галыг асаан бадрааж болгоо. Үл устах баяр хөөрөөрөө өр зүрхэнд минь Христ нутаглаг. Өдрөөс өдөрт бид Түүний өөгүй баясгалант төрхтэй улам адил болж өөрчлөгдөг. Ингэж гэмээнэ бид Эзэн Есүс Христ доторх Бурханы баяр баясгалангийн алдраар өлсөж цангаж байгаагаа өөрсдөө ч мэдэлгүй, мухардсан хүмүүст өнө мөнхийн баяр, үүрлэн хоргодох газрыг мэдүүльюү. Түүний нэр дээр залбирлаа, Амен.