Христийг таньж, баяр хөөрийг олохуй номын 1-р бүлгийн залбирал

Залбирал

Өө, алдрын Эцэг минь ээ, эцсийн бүрээ дуугаран, энэ бие минь амилж, Эзэн Есүс Христийнхээ дүртэй ижил болох хүртэл алдраас алдарт өөрчлөгдөх нь алаг зүрхний минь хүслэн билээ. Тэрхүү цагийг хүртэл тэнгэрлэг Эзэнийхээ нигүүлслээр Түүнийг таньж мэдэхэд, алдрыг нь харж ухаарахад алдрай бие минь өсьюү. Алтан нарыг хардаг шиг алдрыг тань бид хармаар байна. Хамаг зүрхнийхээ хүсэл шиг хязгааргүй ихээр мэдэрмээр байна. Аяа, ачлалт Бурхан минь, өчүүхэн бор зүрхийг минь Үг хийгээд үлэмж аугаа алдар өөдөө өнөд чиглүүлж болгоогооч. Шалдар булдар зүйлд автаж, шаналан зовохоос минь салгаж хайрла Эзэн минь. Ертөнц дэлхийн тунхаглах ер бусын алдрыг тань ямагт ширтэн харахад зүрхний минь нүдийг нээгээч. Сайнмэдээнд орших Хүүгийн алдрыг сайтар харж тунгаах саруул ухааныг соёрхооч. Тантай зүйрлэх хэн ч үгүй гэж тангараглан байж бид итгэдэг. Та бол бүх алдрын ЭЗЭН буй за. Өчүүхэн итгэлийг минь Та өрөвдөн нигүүлсээч. Зохисгүй зүйлсийг хүсэн тэмүүлж, зоргоор аашилсныг минь өршөөгөөч. Хүү Христийнхээ төлөө хэлтрүүлж хайрла, Бурхан минь. Нигүүлслийн алдраа тусгах нижгэр зорилгоо гүйцэлдүүлж хайрла. Есүсийн нэрээр залбирлаа, Амен.